وەزارەتی پەروەردە 13 ڕۆژ پشووی ڕاگەیاند

ئاڤا نیوز 

 

وەزارەتی پەروەردەی هەرێمی کوردستان 13 ڕۆژ پشووی بەهارەی بۆ قوتابخانەکان و ناوەندەکانی خوێندن ڕاگەیاند، پشووەکە لە 11ی ئەم مانگەوە دەستپێدەکات بۆ 24ی مانگ.

ڕاگەیێنراوی فەرمی: سامان سیوەیلی، وتەبێژی وەزارەتی پەروەردە دەڵێت: ئەو ناوەندانەی خوێندنی حکومی کە ساڵنامەی وەزارەتیان وەک خۆی پیادە کردووە لەگەڵ هەموو ناوەندەکانی خوێندنی ناحکومی، پشووەکە دەیانگرێتەوە.

زانیاریی زیاتر:  پشووی بەهارە لە ڕێکەوتی 11-3-2025 دەستپێدەکات تا 23-3-2025، ڕۆژی دووشەممە کە دەکاتە 24ی مانگ دەوامی ئاسایی لە ناوەندەکانی خوێندن دەستپێدەکاتەوە.

لەلایەکی دیکەوە: ئەم چوارشەممەیە 5-3 بەبۆنەی هەڵگیرسانی ڕاپەڕینە مەزنەكەی خەڵكی كوردستان پشووی فەرمییە.