کارگەیەکی بەرهەمهێنانی پەیینی کیمیایی لە هەولێر داخرا

 

ئاڤا نیوز

بەهۆی هەبوونی گوومان لە بەرهەمەکەی، کارگەیێکی پەیینی کیمیایی کشتوکاڵی لە هەولێر داخرا کە گوومانی ئەوەی لێ دەکرێت گەچ لەگەڵ کیمیاکە تێکەڵ بکات و بە خەڵکی بفرۆشێت.

چیرۆکی سەرەکی: چەند رۆژێک لەمەوبەر جووتیارێک پەیوەندی بە عوبەید هەرکی پەیامنێری ئاڤا دەکات و پێی دەڵێت کیمیام بۆ کوڕەکەم کڕیوە ئەو گەڵابەیەی کە بۆی هێناوم دەڵێت من هەفتانە سێ باری پڕ لە گەچ بۆ کارگەیەکی کیمیا دەبەم و ناشزانم لەوێ چی لێ دەکەن.

زانیاریی زیاتر: ئەو جووتیارە دەڵێت من شارەزام و پێشتر دەمزانی کە ئەو کیمیایە باش نییە و گەچی تێکەڵ دەکرێ، بەڵام نەمزانیوە لە کوردستان دەکرێت.

زانیاری پەیامنێر: پەیامنێری ئاڤا پەیوەندی بە نەبەز عەبدولحەمید قایمقامی هەولێرەوە دەکات و ئاگاداری دەکاتەوە، ئەمرۆش پۆلیسی قایمقامیەت دوای لێکۆڵینەوە و بەدواداچوون لەگەڵ پەیامنێری ئاڤا دەچنە کارگەکە و سەردانی دەکەن. نموونەیەکیان لە هەموو بەرهەمەکانی بردووە بۆ تاقیگە بۆ ئەوەی دڵنیا ببنەوە و بزانن گەچ لەگەل  مەوادەکانی تێکەڵ دەکات یان نا.

ئەمەش بزانە: ئێستا وەرزی پێگەیشتنی گەنم و بەرووبوومە کشتوکاڵییەکانە و لەم کاتانەدا جووتیاران کیمیا ئەکڕن و بەسەر بەرهەمەکانیاندا دەکەن بۆ پاراستن و بەهێزکردنی.