سیستمی نوێی مۆڵەتی شۆفێری ڕاگەیێنرا

ئاڤا نیوز

 

بەڕێوەبەرایەتیی گشتیی هاتووچۆی هەرێمی کوردستان لە ڕاگەیێنراوێکدا سیستمی نوێی مۆڵەتی هاتوچۆی ڕاگەیاند.

 

چیرۆکی سەرەکی: بەپێی ڕاگەیینراوی هاتوچۆی هەرێم، لە پێناو زیاتر وشیاری و وریایی شۆفێران و ناساندنی گشت سێکتەرە گرنگەکانی شوفێریکردن لە پێناو سەلامەتی، سیستەمی نوێی مۆڵەتی شۆفێری گۆڕدرا بۆ سیستەمێکی نوێی مۆدێرن.

 

ئەوەی پیویستە بیزانیت: سیتمی نوێی مۆڵەتی شۆفێری بەم شێوەیە دەبێت: 

یەکەم: نۆرەکانی دەرهێنانی مۆڵەتی شۆفێری جۆرەکانی (A B C1) کە چوونەتە پڕۆسەی تاقیکردنەوەی تیۆری و پراکتیکی، هەر بە سیستەمی بەرکاری پێش دەرچوونی ئەو بڕیارەیە دەبێت.

 

دووەم: هەر نۆرەیەک کە نەچووبێتە پڕۆسەی کرداری هەموو نۆرە گرتنێکی نوێ بۆ دەرهێنانی مۆلەتی شوفێری گشت جۆرەکانی(A B C D T) بە سیستمی نوێ جێبەجێ دەکرێت.

 

سێیەم: دەکرێت خاوەنی مۆڵەتی جۆری (B) ئۆتۆمبێلێک لێبخورێت، کە کۆی گشتیی ئۆتۆمبێل، سەرنشین و بارەکەی لە سێ تۆن و نیو زیاتر نەبێت، جۆرەکانی پیک ئاپ و ئۆتۆمبیلی دوو تەنیش دەگرێتەوە، دەکرێت ئامێرەکانی بیناسازی و کشتوکاڵیش لێبخورێت بە مەرجێک کێشی لە سێ تۆن و نیو زیاتر نەبێت و خێرایی ئامێری بیناسازی لە 60 کم لە کاتژمێرێکدا زیاتر نەبێت و ئامێری کشتوکاڵی خێرایی لە  40 کم زیاتر نەبێت.

 

چوارەم: وانەکانی تیۆری، لە 21 کاتژمێردا وانەکان دەخوێنن و ڕۆژانە 3 کاتژمێر دەبێت،  واتە بۆ ماوەی حەوت ڕۆژ وانەکانی تیۆری تەواو دەبن.

 

پێنجەم: وانەکانی پراکتیکی 12 کاتژمێر بە کرداری لەگەڵ ڕاهێنەر شۆفێری دەکەن، دواتر لە بەڕێوەبەرایەتیی هاتووچۆ لە بەشی مۆڵەت شۆفێری تاقیکردنەوەکانی تیۆری ئەنجام دەدەن.

 

بۆچی گرنگە: سیستمی نوێی مۆڵەتی سۆفێری، کار لەسەر هۆشیارکردنەوەی شۆفیران و زیاتر بەرەو پێشبردنی هاتووچۆ لە هەرێمی کوردستان دەکات.