ئەنجوومەنی پارێزگای کەرکووک لەبارەی خراپی کارەبای نیشتمانییەوە کۆدەبێتەوە

ئاڤا نیوز

 

ئەندامێکی ئەنجوومەنی پاریزگای کەرکووک کە پێشتر بایکۆتی کۆبوونەوەکانی کردووە، داوای دانیشتنێکی بەپەلە لەسەر دۆخی کارەبا دەکات.

 

چیرۆکی سەرەکی: بڕیارە سبەی سێشەممە 4-3-2025، ئەنجوومەنی پارێزگای کەرکووک لەسەر داوای ئەحمەد ڕەمزی، ئەندامی ئەنجوومەنەکە کۆببیتەوە و خراپی دۆخی کارەبا لە کەرکووک و چەند پرسێکی دیکە تاوتوێ بکەن.

 

زانیاریی زیاتر: ئەحمەد رەمزی، لە بەرەی تورکمانییە و ئەندامی ئەنجوومەنەکەیە، لە سەرەتای دروستبوونی ئەنجوومەنی کەرکووکەوە بایکۆتی سەرجەم دانیشتنەکانی کردووە، بریارە سبەی بۆ یەکەمین جار بەشداری بکات.

 

زانیاریی پەیامنێر: بەپێی زانیارییەکانی دیار محەممەد، پەیامنیری ئاڤا میدیا لە کەرکووک، لە ماوەی 24 کاتژمێردا کەمتر لە 11 کاتژمێر کارەبای نیشتمانی لە شارەکە هەیە.