ئه‌نجوومه‌نى وه‌زیران پێنج ئۆتۆمبێل به‌ زیادكردنى ئاشكرا ده‌فرۆشێت

ئاڤا نیوز

سه‌رۆكایه‌تیی ئەنجوومەنی وەزیرانى هه‌رێمی کوردستان پێنج ئۆتۆمبێل بە پێی یاسای فرۆشتن و بە کرێدانی مۆڵک و ماڵی دەوڵەت لە هەرێمی کوردستان- عێراق ژمارە یەکی ساڵی 2021 دەخاتە زیادکردنی ئاشکرا.

وێنە گەورەکە: لەسەرجەم وەزارەتەکانی حکومەت دوای گۆڕینی ئۆتۆمبێلەکانی دام و دەزگاکان، بەشێوەی زیادکردنی ئاشکرا بە هاووڵاتییان دەفرۆشرێت و دواتر ژمارەی پێدەدرێت، ئەنجوومەنی وەزیرانیش ژمارەیەک ئۆتۆمبێڵ بە هاووڵاتییان دەفرۆشێت و ئاگاداری کڕیاران دەکاتەوە.

ڕاگەیێنراوی فەرمی: فه‌رمانگه‌ی میدیا و زانیاری، ڕایگەیاند: سەرۆکایەتیی ئەنجوومەنی وەزیران پێنج ئۆتۆمبێل بە زیادكردنی ئاشكرا دەفرۆشێت، ئه‌و كه‌سانه‌شی خواستى كڕینیان هه‌یه‌ پێویسته‌ ڕه‌چاوى چه‌ند خاڵێك بكات كه‌ بۆیان ده‌ستنیشانكردووه‌ن.

ئەوەی پێویستە بیزانیت: زیادکردنەکە لە ڕۆژی سێشەممە، ڕێککەوتی 4-3-2025، کاتژمێر 10:00ی بەیانی لە هۆڵی شەهیدانی یه‌كی شووبات، بەڕێوەدەچێت.

ئەمەش بزانە: هەرکەسێک ئارەزووی بەشداریکردنی هەیە، سەردانی سەرۆکایەتیی ئەنجوومەنی وەزیران، فەرمانگەی یاسایی، بەڕێوەبەرایەتیی گرێبەستەکان و خانووبەرە بکات، پێویسته‌ ڕەچاوکردنی ئەم چه‌ند خاڵه‌ى خواره‌وه‌ بكات:

–  دانانی چەکی پەسەندکراو بەبڕی 20 ملیۆن دیناری عێراقی.

- ڕسومات و خەرجییەکانی بڵاوکردنەوەی ئەم ئاگادارییە دەکەوێتە ئەستۆی ئەو بەشداربووەی کە زیادکردنەکەی بۆ دەردەچێت.

-  فرۆشتنی ئوتومبێلەکان بەشێوەی نەختینە دەبێت و دیناری عێراقی لە کڕیار وەردەگیرێت.

- کڕیار پێویستە لە ماوەی پێنج ڕۆژ ئوتومبێلەکان بگوازێتەوە.

-  دەتوانن ئۆتومبێلەکان لە ڕۆژی بڵاوکردنەوەی ئەم ئاگادارییە لە شوێنی ئاماژەپێکراو ببینن.

-  وەرگرتنی ڕێژەی 2% لە کۆی فرۆشتنەکە بە زیاد دەبێت.