ئاسایشی سلێمانی چوار لە تیکتۆکچییە دەستگیرکراوەکان ئازاد دەکات

ئاڤا نیوز

ژمارەیەک لەو تیکتۆکچییانەی کە لەلایەن ئاسایشی سلێمانییەوە دەستگیرکرابوون، ئەمڕۆ ژمارەیەکیان ئازاد کران و بەڵێننامەیان پێ پڕکرایەوە. هاوکات ئاسایشی سلێمانی هۆشداری بە دەیان تیکتۆکچی دیکە دەدات.

وێنە گەورەکە: ئەو تیکتۆکچیانەی ئاسایشی سلێمانی دەستگیریکردبوون، ئەمرۆ چواریان ئازاد کران، بەڵام بەڵێننامەیان پێ پڕکرایەوە کە نابێ بەهیچ شێوەیەک هەڵەکانی ڕابردوو دووبارە بکەنەوە. لە ئەگەری دووبارەکردنەوەی هەر هەڵەیەک یان بڵاوکردنەوەی بابەتی نەشیاو دەستگیر دەکرێنەوە.

زانیاریی زیاتر: ئاسایشی سلێمانی دەیان تیکتۆکچی دیکەی ئاگادار کردووەتەوە و هۆشدارییان پێدراوە لە کردنی هەر قسەیەکی خراپ و نە گونجاو لە نێو تیکتۆکەوە کە لەگەڵ بەها ئایینی و کۆمەڵایەتی و کەلتوورییەکانی کۆمەڵگەی کوردی یەک نەگرێتەوە، ئەو کاتە ڕێکاری یاساییان بەرامبەر دەگیرێتەبەر.

ئەوەی پێویستە بیزانیت: دەستگیرکردنی تیکتۆکچییەکان لەلایەن ئاسایشی سلێمانییەوە، خەڵک پێی دڵخۆش بوونە و دەستخۆشییان لە ئاسایشی سلێمانی کردووە.