لێدوانێکی تەیف سامی لە بارەی مووچە هەرا دەنێتەوە

 

ئاڤا نیوز

وەزارەتی دارایی عێراق، ئەو لێدوانانەی كە بەناوی تەیف سامییەوە سەبارەت بە پێداچوونەوە بە پێوەرەکانی مووچەی فەرمانبەران دەکرێت ڕەتدەکاتەوە.

چیرۆکی سەرەکی: بەشێک لەمیدیا عێراقییەکان بڵاویان کردووە تەیف سامی، وەزیری دارایی عێراق ڕێگرە بەرامبەر زیادکردنی مووچەی فەرمانبەران و لەکۆبوونەوەیەکدا بۆچونی خۆی خستووەتەڕوو و ڕایگەیاندووە "بەرزی مووچەی هێزەکانی هەردوو وەزارەتی بەرگری و ناوخۆ، ڕێگرە لە پێداچوونەوە بە پێوەرەکانی مووچەی فەرمانبەران".

ڕاگەیێنراوی فەرمی:  نووسینگەی ڕاگەیاندنی وەزارەتی دارایی لە بەیاننامەیەکدا ڕایگەیاند: وەزارەتی دارایی ئەو لێدوانانەی کە لەسەر زاری تەیف سامییەوە بڵاوکراوەتەوە و  ڕەتدەکاتەوە، جەختیش لەوە دەکاتەوە کە ئەو زانیارییە چەواشەکارەکان بێ بنەمان.

زانیاریی زیاتر: وەزارەتی دارایی عێراق داوا لە سەرجەم میدیاکان دەکات، زانیاری درووست لە ڕێگەی سەرچاوە فەرمییەكانییەوە لەتۆڕە کۆمەڵایەتییەکانی وەزارەت وەربگرن.