مەكتەبی سیاسیی پارتی: ڕێگە نەدرێت كێشەكانی نێوان هەولێر و بەغدا دووبارە ببنەوە

ئاڤا نیوز

 

مەکتەبی سیاسیی پارتی دیموکراتی کوردستان ڕایدەگەیێنێت، هەرێمی کوردستان و بەغدا هەنگاوی گرنگیان بۆ چارەسەرکردنی پرسە هەڵپەسێردراوەکان ناوە و جەختیش لە چارەسەرکردنی یەکجارەکی کێشەکان دەکاتەوە، بۆ دووبارە نەبوونەوەی کێشە و قەیرانەکانیش، هەماهەنگی و یەکدەستی لەسەر ئاستی هەرێمی کوردستان بە پێویست دەزانێت.

 

وێنە گەورەکە: مەکتەبی سیاسیی پارتی دیموکراتی کوردستان بەبۆنەی 34ـەمین ساڵیادی ڕاپەڕینە شکۆدارەکەی گەلی کوردستان، پەیامێکی بڵاوکردەوە و ئاماژەی بەوەکردووە هەرێمی کوردستان لەماوەی ئەو 34 ساڵەدا، لە ڕووی سیاسی و ئابووری و ئەمنییەوە هەوڵی بنکۆڵکردن و لاوازکردنی دراوە، بەڵام بە باوەڕی پتەو و خۆڕاگریی ڕۆڵەکانی گەل و هێزە سیاسییە نیشتمانییەکانی و بە ڕەنج و قوربانی پێشمەرگە قارەمانەکان، هەرێمی کوردستان هەمیشە بە ئارامی و سەقامگیری ماوەتەوە و دەمێنێتەوە.

 

ڕاگەیێنراوی فەرمی: مەکتەبی سیاسیی پارتی لە پەیامەکەیدا جەخت لەسەر ڕێکخستنی نێو ماڵی کوردستان دەکاتەوە بەجۆرێک هەموو لایەک لەسەر پرسە ستراتیژییەکان هاوئاڕاستە و هاوگوتار بن و ئەرکی لەپێشینەی هەموولایەک پاراستنی خاک و خەڵکی کوردستان بێت.