دوو بەرپرسی کەرکووک بۆ پۆستەکانی پێشوویان دەگەڕێنرێننەوە

ئاڤا نیوز

بە بڕیاری وەزارەتی ئاوەدانکردنەوە و نیشتەجێکردنی عێراق، هەردوو بەڕێوەبەری شارەوانییەکان و ئاوەڕۆی کەرکووک دوای ساڵێک و شەش مانگ لە بەخشینییان، بە ئامانجی "باشترکردنەوەی کاروبارەکان" بۆ پۆستەکانیان گەڕێنرانەوە.

ئەوەی پێویستە بیزانیت: وەزارەتی ئاوەدانکردنەوە و نیشتەجێکردنی عێراق 3ـی ئەم مانگە نوسراوەکەی دەرکردووە و ئەوەشی خستووەتەڕوو، ئارام عەلی محەممەد لە پۆستی بەڕێوەبەری شارەوانییەکانی کەرکووک دەبەخشرێت و ئاری سەیفەدین لە بەڕێوەبەرایەتیی ئاوەڕۆ بۆ بەڕێوەبردنی ئەو پۆستە دەستبەکاردەبێت، هاوکات ئیحسان وەهبی ساڵح، لە پۆستی بەڕێوەبەری ئاوەڕۆی کەرکووک دەبەخشرێت و زاگرۆس جان وەلی لە شوێنەکەی دەستبەکاردەبێت.

لێدوانی فەرمی: ئاری سەیفەدین کە بەبڕیاری وەزارەتی ئاوەدانکردنەوە و نیشتەجێکردن گەڕێنراوەتەوە بۆ پۆستی بەڕێوەبەری شارەوانییەکانی کەرکووک بە ئاڤا میدیای ڕاگەیاند،

- ئەوان ساڵێک و شەش مانگ بوو لە پۆستەکانیان بەخشرابوون و گەڕابوونەوە بۆ پۆستی پێشوویان وەک بەڕێوەبەر لە بەڕێوەبەرایەتیی ئاوەڕۆی کەرکووک، بەڵام بەگوێرەی بڕیارەکەی وەزارەت جارێکی دیکە گەڕاونەتەوە بۆ پۆستەکانی پێشوویان و ئەوەش بە ئامانجی باشترکردنی کاروبارەکانە.

- سنووری شارەوانییەکانی کەرکووک 14 شارەوانی قەزا و ناحییەکان لە خۆدەگرێت و ئەوەش ڕووبەرێکی فراوانە، سروشتی پارێزگاکە و پێکهاتە دیمۆگرافییەکەشی هەستیارە و پێویستی بە کاری لەخۆبردووی هەیە بۆ خزمەتکردنی هەموو ناوچەکان، بۆیەش دیارە وەزارەت گەڕانەوەی ئەوانی بۆ پۆستەکانی پێشوویان بۆ زیاتر خزمەتکردنی پارێزگاکە بە باشتر زانیوە.