دوای 14 ساڵ جارێکی دیکە بەردی بناغەی مۆنۆمێنتی ڕاپەڕین دادەنرێتەوە

ئاڤا نیوز

دوای 14 ساڵ جارێکی دیکە بەردی بناغەی مۆنۆمێنتی ڕاپەڕین دادەنرێتەوە. بەپێی زانیارییەکانی ئاڤا، لە قۆناغی یەکەمدا بڕی دوو ملیار دیناری بۆ خەرج کراوە، بەڵام تەواو نەکراوە.

وێنە گەورەکە: 14 ساڵ پێش ئێستا بەردی بناغەی پرۆژەی مۆنۆمێتی ڕاپەڕین دانرا، بەڵام پرۆژەکە تەواو نەکرا، دوای ئەو ماوەیە جارێکی تر بەردی بناغەی دانرایەوە.

زانیاریی پەیامنێر: هەنگاو محەممەد، پەیامنیری ئاڤا میدیا پرسیار  لە  حوسێن مەحموود، قایمقامی قەزای ڕانیە دەکات و پێی دەڵێت، کەی ئەو مۆنۆمێنتە تەواو دەکرێت، ئەویش لە وەڵامدا گوتوویەتی،

- ''زانیاریمان لەسەر قۆناغی یەکەم نیە، بەڵام بۆ قۆناغی دووەم و سێیەم کارەکانی دراوەتەوە کۆمپانیا و هەمووشتێک ئامادەیە و بڕی نۆ ملیار دیناریشی بۆ تەرخان کراوە".

- لە قۆناغی یەکەمدا واتە 14 ساڵ پێش ئێستا نازانرێت گوژمەی چەندی بۆ تەرخان کراوە و مەلەفەکە ونکراوە، هەتا بەڕێوەبەرایەتیی ئاوەدانکردنەوەی سلێمانیش بەدوایا ڕۆشتوون نەیان دۆزیوەتەوە.

ئەوەی پێویستە بیزانیت: بەپێی زانیارییەکانی پەیامنێری ئاڤا میدیا، لە قۆناغی یەکەم بڕی دوو ملیار دیناری لێ خەرج کراوە، بەڵام پرۆژەکە تەواو نەکراوە.