نێچیرڤان بارزانی: ڕاپه‌ڕين وێستگه‌یه‌کی مێژوویی و چاره‌نووسساز بوو

ئاڤا نیوز 

 سەرۆکی هەرێمی کوردستان پیرۆزبایی یادی ڕاپەڕین لە تەواوی گەلی کوردستان پیرۆز دەکات.

وێنە گەورەکە: ئەمڕۆ یادی 34 ساڵەی ڕاپەڕینی ئاداری 1991ـە، کە لەو ڕۆژە میللەتی کورد دژی ڕژێمی بەعسی لەناوچوو ڕاپەڕینی کرد و هەناسەی ئازادی هەڵمژی.

پەیامی فەرمی: نێچیرڤان بارزانی، سەرۆکی هەرێمی کوردستان، ڕایگەیاند: ڕاپه‌ڕين وێستگه‌یه‌کی مێژوویی و چاره‌نووسساز و ويستى پۆڵایینی كوردستانييان بوو له‌ ڕووبه‌ڕووبوونه‌وه‌ی دیكتاتۆرى و سته‌مكاریدا، گه‌لى كوردستان به‌ باوه‌ڕێکی پته‌و به‌ دادپه‌روه‌ریی دۆزه‌که‌ی، يه‌كڕيز و یه‌کگرتوو، له‌سه‌ر بنه‌مای ئازادی، شكۆ و‌ دادپه‌روه‌ری، ڕاپه‌ڕى و ده‌رگاى به‌ ڕووی داهاتووییه‌کی نوێدا كرده‌وه‌، به‌رهه‌می خه‌باتێکی دوور و درێژ و قوربانیدانی گه‌وره‌ی پێشمه‌رگه‌ و گه‌لى كوردستان بوو به‌ره‌و چه‌سپاندنی مافه‌ ڕه‌واکانی له‌ عێراقی نوێدا.

 

لە بەشێکی دیکەی پەیامەکەی سەرۆکی هەرێمی کوردستان ئاماژە بەوە کراوە:

٠ فيدڕاڵى و ده‌ستکه‌وته‌ ده‌ستوورييه‌كان و ئاماده‌يى و كاريگه‌ريى ئه‌مڕۆی کوردستان، به‌ری ئه‌م ڕاپه‌ڕینه‌‌ مه‌زنه‌ن.

٠ دۆخی هه‌رێمی و ئاڵنگارييه‌ ناوخۆیی و ده‌ره‌کییه‌کان، له‌ هه‌موومان ده‌خوازێت به‌ گیانی به‌رپرسیاريه‌تيی هاوبه‌شەوە کار بکه‌ین.

٠ پێویستە له‌ وانه‌كانى ڕابردوو فێر ببین و به‌رژه‌وه‌ندیی گشتيی گه‌له‌كه‌مان بپارێزين.