ئاڤا دەنگی چوار قوتابی نابیست و ناگۆی سلێمانی دەگەیێنێت

ئاڤا نیوز

ئاڤا وەڵامی وەزیری پەروەردە بۆ داواکاری چوار قوتابی نابیست و ناگۆ لە سلێمانی وەردەگرێتەوە.

چیرۆکی سەرەکی: چوار قوتابیی نابیست و ناگۆ لە شاری سلێمانی کە فۆرمی خوێندنی دەرەکییان پڕ کردووەتەوە، تەنیا 75%ی پڕۆگرامی خوێندنیان بۆ دانراوە، بەڵام لەکاتی تاقیکردنەوەی تەمهیدی 100%ی  پڕۆگرامەکەیان بۆ خراوەتەوە نێو تاقیکردنەوەکانەوە، ئەمەش تووشی کێشەی کردوون.

لێدوانی فەرمی: ئالان حەمە سەعید، وەزیری پەروەردەی حکومەتی هەرێمی کوردستان بە ئاڤا میدیای ڕاگەیاند: ئەو قوتابییانە لە کاتی پڕکردنەوەی فۆرمەکانیان، ئاماژەیان بەوە نەکردووە کە نابیست و ناگۆن، بۆیە دوای ڕاگەیاندنی ئەنجامی تاقیکردنەوەکان بەپێی ڕێنمایییەکان هاوکارییان دەکەین و درێغی ناکەین لە هاوکاریکردنی قوتابییان.

ئەوەی پێویستە بیزانیت: وەزارەتی پەروەردە پێشنیازی کردووە دوای کۆتاییهاتنی تاقیکردنەوەکان ئەو قوتابییانە پەڵپ بگرن واتە (ئیعتراز) بنووسن، بۆئەوەی کێشەکەیان چارەسەربکرێت.