لە ئاكرێ چەند كەسێك بە ناوی كۆمپانیایەكەوە پارەی جەژنانە لە خەڵك وەردەگرن

ئاڤا نیوز

لە سنووری قەزای ئاكرێ، چەند كەسێك بە ناوی كۆمپانیایەكی پاككردنەوەوە هاوكاری و جەژنانە لە خەڵك وەردەگرن.

وێنە گەورەكە: ساڵانە لەگەڵ نزیكبوونەوەی هەردوو جەژنی ڕەمەزان و قوربان، لە بەشێك لە شار و شارۆچكەكانی هەرێمی كوردستان كەسانێك بە ناوی كۆمپانیای پاككەرەوەوە بە گەڕەكەكاندا دەگەڕێن و داوای هاوكاری و جەژنانە لە خەڵك دەكەن و بڕێك پارە كۆدەكەنەوە.

ڕاگەیێنراوی فەرمی: بەڕێوەبەرایەتیی پۆلیسی ئاكرێ ڕایگەیاند:

٠ كۆمپانیای 𝐌.𝐑.𝐅ـی پاككردنەوە، ئاگاداری كردووینەتەوە كە لە سنووری قەزاكە چەند كەسێك بە ناوی كۆمپانیاكەوە پارەی جەژنانە و هاوكاری لە خەڵك وەردەگرێت.

٠ كۆمپانیاكە ڕەتی دەكاتەوە كە ئەو كەسانە سەر بە ئەوان بن، دانیشتووانی ئاكرێ ئاگادار دەكەینەوە كە لە كاتی بینینی هەر حاڵەتێكی وا بە زووترین كات پۆلیس ئاگادار بكەنەوە و پەیوەندیی بە هێڵی گەرمی پۆلیسی ئاكرێ، ژمارە 104 بكەن بۆ وەرگرتنی ڕێككاری یاسایی بەرامبەر بە سەرپێچیكاران.