لە دهۆک پڕۆژەی بانگی هەرزانی ڕاگەیێنرا

ئاڤا نیوز 

 

لەپێناوی خزمەتکردن و هاوکاریکردنی کەسانی هەژار و کەمدەرامەت، پڕۆژەی بانگی هەرزانی لە پارێزگای دهۆک ڕاگەیێنرا.

 

وێنە گەورەکە: ژووری بازرگانی و پیشەسازیی دهۆک بەهەماهەنگیی بەڕێوەبەری ئەوقافی دهۆک و یەکێتی زانایانی ئیسلامی لقی دهۆک و بەڕێوەبەرایەتی چاودێری بازرگانی بە دروشمی (ڕەمەزانی بەرەکەت) پڕۆژەی بانگی هەرزانی لە دهۆک ڕاگەیاند.

 

لێدوانی فەرمی: پەیامنێرمان ڕۆژهات لوقمان لێدوانی لە شوکری جەمیل، سەرۆکی ژووری بازرگانی و پیشەسازیی دهۆک وەرگرتووە و دەڵێت، پڕۆگرامی بانگی هەرزانی بە دروشمی (ڕەمەزانی بەرەکەت) بە بەشداری ژمارەیەکی زۆر لە کۆمپانیا و شوێنە بازرگانییەکان دەبێت و تێیدا؛ داشکانی ڕاستەقینە بە درێژایی مانگی ڕەمەزان، دەخەنە سەر نرخی کەلوپەلەکانیان و کار بۆ ئەوە دەکرێت ئەمە ببێتە نەریتێکی ساڵانە و لە هەموو مانگەکانی ڕەمەزان ڕابگەیێنرێت.

 

زانیاریی زیاتر: لە 15ـی مانگی ڕەمەزانەوە کۆمپانیاکان کەلوپەلە جۆراوجۆرەکانیان بە نرخێکی هەرزان بە خەڵکی دەدەن و چاودێریی ژووری بازرگانی و پیشەسازیی دهۆک لەسەر پرۆسەکە بەردەوام دەبێت.