ئەپیکۆر مەرجی هەیە بۆ دەستپێکردنەوەی هەناردەکردنەوەی نەوتی کوردستان

ئاڤا نیوز

 

دوای کۆبوونەوەی سێ قۆڵی وەزارەتی سامانە سروشتییەکان و وەزارەتی نەوت و كۆمەڵەی پیشەسازیی نەوتی كوردستان (ئەپیکۆر) سەبارەت بە دووبارە هەناردەکردنەوەی نەوتی کوردستان، ئەپیکۆر ڕاگەیاند، ئەگەر ڕەچاوی مەرجەکانمان بکرێت ئامادەین بۆ هەناردەکردنەوە. 

چیرۆکی سەرەکی: ئەمڕۆ پێنجشەممە، بەمەبەستی نەهێشتنی بەربەستەکان بۆ دووبارە هەناردەکردنەوەی نەوتی هەرێمی کوردستان لە ڕێگەی بەندەری جەیهانەوە، کۆبوونەوەیەکی سێ قۆڵی لە بەغدا کرا. 

ڕاگەیێنراوی فەرمی: کۆمەڵەی پیشەسازی نەوتی کوردستان ڕایگەیاند، ئەگەر ڕەچاوی مەرجەکانمان بکرێت و داواکارییەکانمان جێبەجێ بکرێت، ئامادەن بۆ دووبارە دەستپێکردنەوەی هەناردەکردنەوەی نەوتی هەرێمی کوردستان لە ڕێگەی بەندەری جەیهانی تورکیاوە. 

 

- دەستپێکردنەوەی هەناردەکردنەوەی نەوتی کوردستان پێویستی بە ڕێککەوتنێکی شەفاف و دادپەروەرانە هەیە کە گرێنتی پارەدان و جێبەجێکردنی بڕگەکانی یاسای بودجە هەبێت. 
- گەرەنتیکردنی پێدانی پارەی هەناردەکردنی نەوتی ڕابردوو و داهاتوو.
- پاراستنی مەرجە بازرگانی و ئابوورییەکانی گرێبەستی هاوبەشی بەرهەمهێنان.
- لە چوارچێوەی گرێبەستەکانی هاوبەشی بەرهەمهێناندا دەبێت ڕێز لە مۆدێلی ئابووری بگیرێت.