لەبارەی دابەشكردنی زەوی مژدەیەك بە فەرمانبەرانی سنووری كفری دەدرێت

ئاڤا نیوز

سەرۆكایەتیی شارەوانیی كفری سەبارەت بە دابەشكردنی زەوی بەسەر فەرمانبەر و مامۆستایانی سنوورەكە نوێترین زانیاری ڕادەگەیێنێت.

وێنە گەورەكە: پرۆسەی دابەشكردنی زەوی بەسەر فەرمانبەران بەردەوامە و شارەوانیی شارەكان بەردەوامن لە ڕێككارەكان بۆ دابینكردنی ڕووبەری پێویستی زەوی و ئامادەكردنی بۆ دابەشكردن.

ڕاگەیێنراوی فەرمی: سەرۆكایەتیی شارەوانی كفری ڕایگەیاند: 

- سەرۆکایەتیی شارەوانیی کفری و تێبینەرایەتیی تاپۆی کفری و فەرمانگەی ئاوی  کفری  بەردەوامن لەپێناو تەواوکردنی کارەکانی زەوییەکانی کەرتی 9ی تلیشان تاوەکو ئامادە بکرێت بۆ دابەشکردنی بەسەر مامۆستایان و فەرمانبەران و  خانەنشینان و هێزە ئەمنییەکان، ئێستا زۆرینەی  کارەکانی تەواو بووە کە پێکدێت لە نەخشەکێشان و ئیفرازکردن و  ڕووپێوکردن و دانانی ژمارە بۆ سەرجەم زەوییەكان ئەمەش هەنگاوێکی گەورەیە.

- لە داهاتوویەكی نزیكدا دابەشکردنی ئەم زەوییانە  دەبێتە  مژدانەیەکی خۆش بۆ تەواوی  فەرمانبەران و مامۆستایان و خانەنشینان و هێزە ئەمنییەكان.

باكگراوند: ڕۆژی 27ـی ئازاری 2024، سەرۆکوەزیران مەسرور بارزانی، کۆمەڵێک بڕیای لە بەرژەوەندی هاووڵاتیان و فەرمانبەران دا، یەکێکیان تایبەت بوو بە دابەشکردنی زەوی بەسەر فەرمانبەران، ئێستاش پرۆسەكە بەردەوامە و بە ڕێكوپێكی بەڕێوە دەچێت.