ترەمپ داوای دیبەیت لە بایدن دەكات

ئاڤا نیوز

 

دوای ئەوەی ترەمپ توانی لە 14 ویلایەتی دیكە سەركەوتن بەسەر هاوتا کۆمارییەکەی بەدەستبهێنێت، لە سۆشیاڵ میدیاوە داوای دیبەیتی ڕاستەوخۆی لە بایدن کرد.

 

وێنە گەورەكە: لە سووپەر تویزدەیدا، تا ڕادەیەكی زۆر دۆناڵد ترەمپ توانی ببێتە كاندیدی سەرەكیی پارتەکەی بۆ ڕكابەرایەتی لەگەڵ كاندیدی دیموكراتەكان بۆ پۆستی سەرۆكی ئەمریكا.

 

لێدوانی فەرمی: دۆناڵد تڕەمپ، یەکێک لە کاندیدە بەهێزەکانی کۆمارییەکان بۆ پۆستی سەرۆکی ئەمریکا: "دەبێت من و بایدن گفتوگۆ لەسەر پرسە گرنگەکانی وڵاتەكەمان بکەین، لەسەر ئەو بنەمایە داوای دیبەیت دەكەم و چەندین جاریش دووبارەی دەكەمەوە".

 

زانیاریی زیاتر: تاوەکو ئێستا بایدن، وەڵامی داواكارییەكەی ترەمپی نەداوەتەوە، بەڵام بەپێی یاسای بانگەشەی هەڵبژاردنەكانی ئەمریكا، دەبێت هەردوو كاندیدی سەرەكی لەماوەی كاتی بانگەشەدا سێ جار ڕووبەڕووی یەکتر گفتوگۆ بكەن.