سەرۆک بارزانی: ئافرەتانی کوردستان نموونەی فیداکاری و کۆڵنەدان و سەربەرزیین

ئاڤا نیوز

 

سەرۆک بارزانی، لە ڕۆژی جیهانیی ئافرەتان، پەیامێکی بڵاوکردەوە و دەڵێت، ئافرەتانی کوردستان نموونەی فیداکاری و کۆڵنەدان و سەربەرزیین.

 

وێنە گەورەکە: ئەمڕۆ ڕۆژی جیهانیی ئافرەتانە و لەم ڕۆژەدا لە هەرێمی کوردستان وێڕای بڵاوکردنەوەی پەیامی پیرۆزبایی لەلایەن سەرکردە و بەرپرسانی باڵاوە، چالاکیی جۆراوجۆر بەڕێوەدەچێت.

بڵاوکراوەی فەرمی: سەرۆک بارزانی پەیامێکی  لە تۆڕی کۆمەڵایەتی ئێکس ڕایگەیاند: 8ی مارس لە هەموو ئافرەتانی کوردستان و عێراق و جیهان پیرۆز بێت، ئافرەتانی کوردستان نموونەی فیداکاری و کۆڵنەدان و سەربەرزیین و پێویستە هەموومان ڕێز لە پێگە و ماف و داواکارییەکانیان بگرین. لە ڕۆژی جیهانیی ئافرەتدا هیوای بەختەوەری و سەرکەوتن بۆ هەموو ئافرەتانی کوردستان دەخوازم.

 

باکگراوند: لە ساڵی 1975ـەوە نەتەوە یەکگرتووەکان ئەم ڕۆژەی وەک ڕۆژی جیهانی ئافرەتان دیاریکردووە، بەڵام لە ساڵی 1977 نەتەوە یەکگرتووەکان داوای لە وڵاتانی ئەندام کرد، ڕۆژی 8ـی مارس وەک ڕۆژی پشوو بۆ ئافرەتان بناسێنن، لەو کاتەوە ساڵانە بۆنەی جیاواز بۆ ئەو ڕۆژە ڕێک دەخرێت.