بە هۆکاری جیاواز 40 محاویلەی کارەبا لە سلێمانی لەکار دەکەون

ئاڤا نیوز

 

بەهۆی ئەو شەپۆلە سەرما و سۆلەی لە دوو هەفتەی ڕابردوو هەرێمی کوردستانی گرتۆتەوە، 40 محاویلەی کارەبا لە سنووری سلێمانی لەکار کەتوون.

 

ڕاگەیێنراوی فەرمی: بەڕێوەبەرایەتیی گشتی کارەبای سلێمانی ڕایگەیاند: ئەندازیار و تەكنیككارانی وەرشەی محاویلاتی سلێمانی، لە 20 ڕۆژدا توانیویانە 40 محاویلە چاک بکەنەوە و بیانگەڕیننەوە خزمەت  تۆڕەکانی کارەبا.

 

لێدوانی فەرمی: تەکنیکار دلێر لەتیف سادق، بەڕێوەبەری وەرشەی محاویلات لە بەڕێوەبەرایەتیی کارەبای سلێمانی ڕایگەیاند: لەگەڵ ئەو شەپۆلە سەرما و سۆلەی ڕووی لە سلێمانی  کرد، فشاریکی زۆر کەوتە سەرمان و زیاتر لە دەوامی ئاسایی کارمان کردووە، تاوەکو محاویلەکان بە زوویی چاک بکرێنەوە و بگەڕێندرێنەوە ئەو شوێنانەی پێویستیانە.