لە هەولێر چوار تەقەكەر دەستگیردەكرێن

 

ئاڤا نیوز

لە هەولێر چوار تۆمەتبار بە تۆمەتی تەقەكردن و هەڕەشە و جنێودان و هەڵكووتانە سەر ماڵێك دەستگیر دەكرێن.

چیرۆكی سەرەكی: كوڕ و باوكێك لەگەڵ دوو خزمی دیكەیان كە دانیشتووی سنووری قەزای خەباتن، لەسەر كێشەیەكی كۆمەڵایەتی، بە هەڕەشە و جنێودانەوە هەڵدەكووتنە سەر ماڵێك لە شاری هەولێر و تەقەش دەكەن. دوای تۆماركردنی سكاڵا، لەئۆپەراسیۆنێكی تایبەتی پۆلیسی هەولێر، بەبڕیاری دادوەری لێكۆڵینەوە، تۆمەتبارەكان دەستگیر دەكرێن و ڕادەستی دادگا كران.

ڕاگەیێنراوی فەرمی: بەڕێوەبەرایەتی پۆلیسی پارێزگای هەولێر، دەستگیركردنی تۆمەتبارەكانی ڕاگەیاند كە دووانیان كوڕ و باوكن و خەڵكی سنووری قەزای خەباتن.

پۆلیسی هەولێر هاووڵاتیان ئاگادار دەكاتەوە لەوەی لەکاتی بوونی هەر گرفت و کێشەیەکدا هەرگیز پەنا نەبەنە بەر توندوتیژی و لە بری ئەوە؛ پۆلیس ئاگادار بکەنەوە.