مەسرور بارزانی: ڕۆژی جلی نەتەوەیی بەیەكەوەژیانی ئاشتییانەی كوردستانمان نیشان دەدات

ئاڤا نیوز

 

سەرۆکوەزیران مەسرور بارزانی لە ڕۆژی جلی نەتەوەیی پەیامێک بڵاودەکاتەوە و ڕایدەگەیەنێت، ڕۆژی نیشاندانی هەمەڕەنگی کولتوری و بەیەکەوەژیانی ئاشتییانەی کوردستانە.

 

وێنە گەورەکە: ڕۆژی 10ـی ئادار وەک ڕۆژی نەتەوەیی بۆ پۆشینی جلی کوردی، دیاریکراوە، هاونیشتمانیان به‌ پۆشینی جلی کوردی و به‌رزکردنه‌وه‌ی ئاڵای کوردستان ئه‌م رۆژه‌ به‌رز راده‌گرن، قوتابخانه‌ و زانکۆ و ناوه‌نده‌کانی خوێندن و داموده‌زگا حکومی و تایبه‌ته‌کان به‌ جلی کوردییه‌وه‌ ده‌چنه‌ سه‌ر کاره‌کانیان.

 

پەیامی فەرمی: سەرۆکوەزیران مەسرور بارزانی، سەرۆکی حکومەتی هەرێمی کوردستان لە تۆڕی کۆمەڵایەتی 'ئێکس' پەیامێک بڵاودەکاتەوە و دەڵێت: "ڕۆژی جلی نەتەوەیی، جوانیی هەمەڕەنگی کولتووری و بەیەکەوەژیانی ئاشتییانەی کوردستانمان نیشان دەدات."