فلمێ "مرازێ دل" دێ ل تورکیا هێتە نیشاندان

ئاڤا نیوز

فلمێ "مرازێ دل" نووترین فلمێ دەرهێنەرێ کورد ئیبراهیم ئافشين حەقی یە، روودانێن فلمی بەحسێ چیرۆکەکا حەژێکرنێ ل باژێرێ عەفرینێ دکەن، بریارە ل ناڤەرستا ڤێ مەهێ ل ئستەنبولێ بهێتە نیشاندان.

لێدوانا فەرمی: بەهلول کوردی ئەکتەرێ سەرەکی یێ فلمێ" مرازێ دل" تایبەت ژ بۆ ئاڤا نیۆز گۆت: ژ سالا ٢٠١٧ دا ل وەلاتێ تورکیا پەنابەرم و کارێ درینگەهێ دکەم، د ئەڤی فلمی دا مە بزاڤ کریە، چەند نموونەیان ژ کلتوورێ کوردان یێ کەڤن نیشان بدەین، و خالێن نەرێنی رەخنە بکەین، زێدەباری پاراستنا تایبەتمەندیا زمانێ کوردی د فلمی دا .

زانیاریێن زێدەتر: فلمێ "مرازێ دل" بریارە بۆ ئێکەم جار د ناڤەراستا هەیڤا ئادارێ دا ل باژێرێ ئستەنبولێ بهێتە نیشاندان، و پاشی ل پلاتفۆرمێن سۆشیال میدیایێ بهێتە بەلاڤکرن .

ئەوا پێدڤیە بزانی: کۆمەکا ئەکتەرێن کۆمێدی و بەهلول کوردی کو هەموو خەلکێ ڕۆژئاڤایێ کوردستانێ نە، کریکاریێ دکەن، گەلەک جاران ب داهاتێ خوە یێ تایبەت فلم و کۆرتە فلم چێکرینە کو دەربڕینێ ژ دیاردەیێن دناڤ جڤاکا کوردان دا دکەن، هەتا نوکە زێدەتر ژ ١٠٠ فلم و کۆرتە فلمان بەرهەمئیناینە.