پرۆژەی ڕووناکی بۆ کارەبای 24 کاتژمێری لە پارێزگای دهۆک دەستیپێکرد

 

ئاڤا نیوز

دوای هەولێر و سلێمانی، پرۆژەی ڕووناکی بۆ کارەبای 24 کاتژمێری لە پارێزگای دهۆک دەستیپێکرد، ساڵی داهاتووش دەگاتە سەرتاسەری هەرێمی کوردستان.

وێنە گەورەکە: پڕۆژەی ڕووناکی بۆ کارەبای 24 کاتژمێری پڕۆژەیەکی ستراتیژی کابینەی نۆیەمی حکومەتی هەرێمی کوردستانە، کە ئامانج لێی ئەوەیە تا کۆتایی ساڵی 2026 تەواوی کوردستان ببێتە خاوەنی کارەبای 24 کاتژمێری، ئێستا لە بەشێکی زۆری هەولێر و سلێمانی جێبەجێ کراوە و ئەمڕۆش لە دهۆک دەستیپێکرد.

لێدوانی فەرمی: عەلی تەتەر، پارێزگاری دهۆک بە ئاڤا میدیای ڕاگەیاند، لە چەند گەڕەکێک بەسەرکەوتوویی دەست بە پڕۆژەکە کراوە، سەرەتای پرۆژەکە لە سەنتەری بازاری ئامێدی و بازاڕی دهۆک و پڕۆژەی نیشتەجێبوونی ئەڤرۆ ستی، تەواو کراوە و سەرکەوتوو بووە. ئێستاش لە چەند گەڕەکێکی دیکە پرۆژەکە دەستپێکردووە و لە ئایندەیەکی نزیک تەواو ئەبێت.

زانیاریی زیاتر: بە پێی گوتەی عەلی تەتەر، هەوڵەکان بۆ ئەوەن تاوەکو کۆتایی ئەمساڵ کارەبای  سەرجەم پارێزگای دهۆک  بکرێتە 24 کاتژمێری.