ماوەی 10 ڕۆژە لێکۆڵینەوە لە ڕۆژنامەنووس بەشدار بازیانی لە ئاسایشی سلێمانی بەردەوامە

ئاڤا نیوز

ڕۆژنامەنووس بەشدار بازیانی تا ئێستا لە لایەن ئاسایشی سلێمانی ڕاگیراوە و کەس و کارەکەشی دەڵێن هیچ سۆراخێکی نازانین، هەر لەژێر لێکۆڵینەوە دایە.

چیرۆکی سەرەکی: ماوەی 10 ڕۆژە ڕۆژنامەنووس بەشدار بازیانی لە ئاسایشی سلێمانی ڕاگیراوە و هێشتا لێکۆڵینەوە لەگەڵی بەردەوامە، تا ئێستا ڕووننەکراوەتەوە بۆچی دەستگیرکراوە و کەی ئازاد دەکرێت.

زانیاریی زیاتر: لە یەکەم ڕۆژەوە هیچ گۆڕانکارییەک لە کەیسەکەی ڕووینەداوە، خانەوادەکەی دەچنە ئاسایش، بە گوتەی خۆیان هەر دەڵێن لەژێر لێکۆڵینەوەیە، هیچی نوێیان پێ ناڵێن، هەندێک تۆمەتییان بۆ دروستکردووە.

لێدوانە فەرمییەکان: 

حاکم ئازاد، نەقیبی سەندیکای ڕۆژنامەنووسانی کوردستان دەڵێت، "چاودێری کەیسەکە دەکەین و داوامانکردووە هەرچی زووە ئەو ڕۆژنامەنووسە ئازاد بکرێت.

کاروان ئەنوەر بەرپرسی لقی سلێمانی سەندیکای ڕۆژنامەنوسانیش دەڵێت،  لەماوەی یەک دوو ڕۆژی داهاتوو هەر پەرەسەندنێک هەبێت سەردانی دەکاتەوە، ڕۆژی 14ـی ئەم مانگەش بڕیارە دایکی لە بەریتانیا بگەڕێتەوە و چاوی پێ بکەوێت.

زانیاریی بەدەستهاتوو: ئاڤا لە چەند کەسێکی نزیکی زانیویەتی ئەمڕۆ هەندێک لە کەس و کارەکەی چاویان پێکەوتووە و لە زیندان بینیویانە، بەڵام دیار نییە چارەنووسی چی بەسەر دێت، ئازاد دەکرێت یان نا.