پشیلەیەک دەبێتە هۆکاری پچڕانی کارەبای شەقامێکی سلێمانی

ئاڤا نیوز

دوای ئەوەی تۆڕی ڕووناکی بەردەم شاری ئارام کوژایەوە، پشیلەیەک بووەتە هۆی درووستبوونی شۆرتێک و سووتانی فیوزی محاویلەکان.

چیرۆکی سەرەکی: ئەمڕۆ چەند کاتژمێرێک کارەبای شەقامی ئارام لە شاری سلێمانی پچڕا، دوای بەدواداچوونەکان دەرکەوت پشیلەیەک بۆ خۆگەرمکردنەوەی چووه‌تە سەر بگۆڕ (محاویلە)ـیەک و شۆرتی کارەبای دروست کردووە.

ڕاگەیێنراوی فەرمی: بەڕێوەبەرایەتیی کارەبای سلێمانی، ڕایگەیاند، دوای پچڕانی کارەبای  شەقامی ئارام لە شاری سلێمانی، لەلایەن تیمی قابلۆوات کاری گۆڕینی فیوزی H.T کویسکی ژمارە پێنجی تایبەت ئەنجامدا و کارەبا بۆ شەقامەکە گەڕایەوە.

ئەوەی پێویستە بیزانیت: ئەمساڵ سێیەم جارە ئەم حاڵەتە دووبارە دەبێتەوە کە بە مەبەستی خۆگەرمکردنەوە پشیلەکان دەچنە شوێنی بگۆڕه‌كان.