هەسەدە و سوپای سووریا ئۆپەراسیۆنی هاوبەش لە دژی داعش دەستپێدەکەن

ئاڤا نیوز

سەرچاوەیەک لە هێزەکانی سووریای دیموکرات (هەسەدە) ڕایگەیاند، دوای ڕێککەوتنەکەیان لەگەڵ ئیدارەی نوێی سووریا، لە ڕۆژانی داهاتوودا لەگەڵ سوپای سووریا ئۆپەراسیۆنی هاوبەش دژی داعش دەستپێدەکەن.

وێنە گەورەکە: ڕۆژی 10-03-2025، مەزڵووم عەبدی، فەرماندەی گشتیی هەسەدە و ئەحمەد شەرع، سەرۆککۆماری سووریا بۆ قۆناغی ڕاگوزەر  کۆبوونەوە و ڕێککەوتنێکی هەشت خاڵییان واژۆ کرد، ڕێککەوتنەکەش لە ئاستی شەقامی سووریا و وڵاتانی ناوچەکە و جیهان کاردانەوەی فراوانی لێکەوتەوە و پێشوازیی لێکرا.

زانیاریی بەدەستهاتوو: ئاژانسی هەواڵی ڕۆیتەرز لە سەرچاوەیەکی هێزەکانی سووریای دیموکرات (هەسەدە)ەوە بڵاویکردەوە، دوای ڕێککەوتنەکەی نێوان هەسەدە و ئیدارەی نوێی سووریا، لە ڕۆژانی داهاتوودا ئۆپەراسیۆنی هاوبەش لەگەڵ هێزەکانی سەر بە وەزارەتی بەرگریی سووریا لە دژی داعش دەستپێدەکەن.

زانیاریی زیاتر: بە وتەی سەرچاوەکە، ڕێککەوتەنەکەی هەسەدە لەگەڵ دیمەشق، بە چاودێریی ویلایەتە یەکگرتووەکانی ئەمریکا بووە.