مەسەدە: پابەندین بە سووریایەکی دیموکرات و فرەچەشن

ئاڤا نیوز

ئەنجومەنی سووریای دیموکرات 'مەسەدە' ڕایگەیاند، پابەندن بە کارکردن بۆ هێنانە کایەی سووریایەکی دیموکرات و فرەچەشن کە مافە بنەڕەتییەکان دەستەبەر بکات و کەرامەتی مرۆڤ بپارێزێت.

چیرۆکی سەرەکی: لەدوای ڕووخانی ڕژێمی بەشار ئەسەد ڕۆژی دووشەممە 2025-03-10 مەزڵووم عەبدی، فەرماندەی گشتیی هێزەکانی سووریای دیموکرات 'هەسەدە' و ئەحمەد شەرع، سەرۆککۆماری سووریا بۆ قۆناغی ڕاگوزەر کۆبوونەوە و ڕێککەوتنێکی هەشت خاڵییان واژۆ کرد.

ڕاگەیێنراوی فەرمی: ئەنجومەنی سووریای دیموکرات لە ڕاگەیێنراوێکدا ڕایگەیاند:

٠ ئەمڕۆ لە دۆخێکی مێژوویی نوێدا، لە دوای ڕووخانی ڕژێمی بەعس، سوورییەکان کۆتایی بە لاپەڕەی زوڵم و چەوساندنەوە دەهێنن بۆ دەستپێکردنی قۆناغێکی نوێ لەسەر بنەمای دادپەروەری و یەکێتی نەتەوەیی و ڕێزگرتن لە فرەچەشنی.

٠ ڕووداوەکان دەریانخستووە کە ئیرادەی گۆڕانکاری لە ئامرازەکانی سەرکوتکردن بەهێزترە. ئەنجوومەنی سوریای دیموکرات پابەندبوونی خۆی بۆ کارکردن بۆ سووریایەکی دیموکراتی و فرەچەشن دووپات دەکاتەوە، سووریایەک کە مافە بنەڕەتییەکان دەستەبەر دەکات و کەرامەتی مرۆڤ دەپارێزێت و کۆتایی بەو کارەساتانە دەهێنێت کە سوورییەکان دەیان ساڵە بەرگەیان گرتووە.

٠ ڕێگای ئایندەیەکی باشتر بە بەهێزکردنی هاوکاری نیشتمانی و بەهاکانی پێکەوەژیان و ئاشتی و دەستپێکردنی بوونیادنانی سیاسی لەسەر بنەمای دادپەروەری مێژوویی.

لە لایەکی دیکەوە: مەزڵووم عەبدی فەرماندەی گشتی هێزەکانی سووریای دیموکرات (هەسەدە) ڕایگەیاند، جەخت لەوە دەکەنەوە کە بەردەوام دەبن لە تێکۆشان بۆ دادپەروەری و لە ڕێگەی دیالۆگ و ڕێگای ئاشتیانە مافی هەموو سوورییەکان دەپارێزن.