لێخۆشبوون بۆ ئەو کەسانە دەرچوو کە قەرزی هاوسەرگیری و بچووکیان وەرگرتووە و مردوون

ئاڤا نیوز

 

لە کۆبوونەوەی ئەمڕۆی ئەنجوومەنی وەزیران بڕیار لەسەر لێخۆشبوون لە پێشینەی هاوسەرگیریی و قەرزی پرۆژە بچووكەكانی لاوان درا.

 

وێنە گەورەکە: ئەمڕۆ چوارشەممە کۆبوونەوەی ئەنجوومەنی وەزیرانی هەرێمی کوردستان بەسەرپەرشتی سەرۆکوزیران مەسرور بارزانی و ئامادەبوونی قوباد تاڵەبانی، جێگری سەرۆکوەزیرانی هەرێمی کوردستان بەڕێوەچوو. لە کۆبوونەوەکەدا چەند پرسێک  تاوتوێکران؛ یەکێکیان لێخۆشبوون بوو لە پێشینەکانی هاوسەرگیری و قەرزی پرۆژە بچووکەکان.

 

لێدوانی فەرمی: پێشەوا هەورامانی، وتەبێژی حکومەتی هەرێمی کوردستان بە ئاڤا میدیای ڕایگەیاند، لە کۆبوونەوەی ئەمڕۆی ئەنجوومەنی وەزیران بڕیاری لێخۆشبوون لە کەفیلەکانی قەرزی هاوسەرگیری دراوە.

 

ئەوەی پێویستە بیزانیت: "هاوکات بڕیاری لێخۆشبوون بۆ ئەو کۆچکردووانە دەرچووە کە قەرزی پێشینەکانی حکومەتیان لەلایە، لێخۆشبوونەکە پێشینەی هاوسەرگیری و قەرزی پڕۆژە بچووکەکان دەگرێتەوە". پێشەوا هەورامی وادەڵێت.