پۆلیسی هەولێر دوو دزی سەیر و مەترسیدار دەستگیر دەکات

ئاڤا نیوز

بەڕێوەبەرایەتیی پۆلیسی پارێزگای هەولێر دەستگیركردنی دوو تۆمەتباری بە ناوەكانی گیڤارا یاخی و زەردەی پێ پان بە تۆمەتی دزیکردن دەستگیر كرد.

ڕاگەیێنراوی فەرمی: پۆلیسی هەولێر ڕایگەیاند: ئەو دوو تۆمەتبارە بە ناوەکانی (س. ش. ک) و (د. د. ح) لە ماوەی یەک شەودا چوار تاوانی دزییان لە چوار ماڵی جیاواز ئەنجام داوە و لە کۆی هەر چوار دزییەکە بڕی 25 مسقاڵ ئاڵتوون و زیاتر لە 3500 دۆلار و دوو مۆبایل و یەک ئایپادیان دزیوە.

زانیاریی زیاتر: بەپێی ناوەڕۆكی ڕاگەیێنراوەكەی پۆلیسی هەولێر، ئەو دوو تۆمەتبارە لە کاتی ئەنجامدانی تاوانی دزیکردن لە یەکێک لە ماڵەکان بە چەک هەڕەشەیان لە خاوەنی ماڵەکە کردووە، بۆیە دوای تۆمارکردنی سکاڵا، دەستگیر كراون و دەستیش گیراوە بەسەر چەند چەكێكی بێ مۆڵەتدا.