بەهۆی لێچوونی غاز تەقینەوە لە ماڵێک لە ڕانیە ڕوودەدات

ئاڤا نیوز

دەنگێکی بەهێزی وەک تەقینەوەیەکی گەورە لەنزیک ناوچەی پیشەسازی ڕانیە و لەگەڕەکی قەڵاتی نوێ، دانیشتوانی ناوچەکەی ڕاچڵەکاندو شوشەی پەنجەرەکان تەواوی شەقامی بەردەم ماڵەکەیان تەنی بوو.

ڕاگەیەندراویی فەرمی: بەڕێوبەرایەتی بەرگری شارستانی ڕاپەڕین بڵاوی کردووەتەوە، دەوروبەری کاتژمێر 11ـی نیوەڕۆی ئەمڕۆ بەهۆی لێچوونێکی زۆری غازی ماڵانەوە ڕووداوێکی تەقینەوە لەنێو ماڵێکدا ڕوویداوە کە لەناوەوە بۆتە هۆی شکان و خراپ بوونی تەواوی کەلوپەلەکانی نێو ماڵەکە، ڕووداوەکە زیانی گیانی بەدواوە نەبووە.

بەگوێرەی ڕاگەیێنراوی پۆلیسی بەرگری شارستانی ڕاپەڕین ، لەنێو ئەو ماڵەدا لێچوونێکی زۆر لەسۆندەی بوتڵی غاز هەبووە و غازێکی زۆر پەنگی خواردۆتەوە لەکاتی داگیرساندنی سۆپادا دەستبەجێ غازەکە تەقیوەتەوە ئەم کارەساتەی لێکەوتۆتەوە.