تەیف سامی چەند گۆڕانکارییەک لە وەزارەتی دارایی دەکات

ئاڤا نیوز

وەزیری دارایی عێراق بە بڕیارێک سێ گۆڕانکاریی لە بەڕێوەبەرایەتی گشتی وەزارەتەکەیدا کرد و هەریەک لە بەڕێوەبەری گشتی ژمێریایی و بودجەی لە پۆستەکانیان دوورخستەوە.

وێنە گەورەکە: لە کارنامەی حکومەتی عێراقدا جەخت لە گۆڕانکاری لە پۆستی بەڕێوەبەرە گشتییەکان و کارکردن بە دانانی پۆستەکان لەسەر بنەمای لێهاتوویی و ئەزموون کراوەتەوە، گۆڕانکارییەکانیش هاوکاتن لەگەڵ سەرقاڵی وەزارەتی دارایی بە ئامادەکردنی خشتەی بودجە.

نوسراوی فەرمی: تەیف سامی، وەزیری دارایی عێراق لە نوسراوێکدا کە 12ـی ئازار دەریکردووە، ئاماژەی بەوەكردووە:

٠ دکتۆر جەمیل سابت یوسف، بەڕێوەبەری گشتی ژمێریایی دەبێتە بەڕێوەبەری گشتی کۆمپانیای عێراق بۆ خزمەتگوزاریی بانکی.

٠ دکتۆرە وسن سەعد قاسم، بەڕێوەبەری گشتی بودجە دەبێتە بەڕێوەبەری گشتی کۆمپانیای بیمەی گشتی عێراقی.

٠ دکتۆر ئەحمەد جەواد حەسەن، بەڕێوەبەری گشتی کۆمپانیای عێراق بۆ خزمەتگوزاریی بانکی دەبێتە بەڕێوەبەری گشتی ناوەندی ڕاهێنانی دارایی و ژمێریاریی.