پووتین: دەستپێشخەری ئەمریکامان بۆ ڕاگرتنی جەنگ لە ئۆکرانیا قبووڵە

ئاڤا نیوز

سەرۆکی ڕووسیا ڕایگەیاند، پێویستە ڕووسیا لەگەڵ ئەمریکا گفتوگۆ لەسەر ئاگربەست بکات لە ئۆکراینا و ڕەنگە ڕاستەوخۆ گفتوگۆ لەگەڵ ترەمپ بکەین.

 

وێنە گەورەکە: شاندی ئەمریکا و ئۆکراینا لە کۆبوونەوەی نێوانیان لە سعودییە ڕێککەوتن لەسەر ئەوەی بۆ ماوەی 30 ڕۆژ ئاگربەسر ڕابگەیەنن، چاوەڕوان دەکرێت ڕووسیا پێشنیازی ئەمریکا قبووڵ بکات، بەڵام وڵاتە چاوی لەوەیە ململانێیەکان بە تەواوی کۆتایی بێت و ئاگربەست نەبێتە فێلێک بۆ خۆڕێکخستنەوەی ڕۆژئاوا بەرامبەر ڕووسیا. 

 

لێدوانی فەرمی: ڤلادیمێر پووتین، سەرۆکی ڕووسیا ڕایگەیاند، بیرۆکەکەی ئەمریکامان بۆ ئاگربەست لە ئۆکراینا لاپەسەندە بەڵام دەبێت گفتوگۆ لەسەر ناوەڕۆکەکەی بکرێت.

- ئێمە بەو پێشنیازانە ڕازین کە ئامانجیان کۆتاییهێنانە بە شەڕ و پێکدادانەکان، بەڵام دەبێت ئەم ئاگربەستە ببێتە هۆی ئاشتییەکی هەمیشەیی و چارەسەرکردنی ڕەگ و ڕیشەی ئەم قەیرانە.

- پێویستە ڕووسیا لەگەڵ ئەمریکا گفتوگۆ لەسەر ئاگربەست بکات، و ڕەنگە ڕاستەوخۆ گفتوگۆ لەگەڵ دۆناڵد ترەمپ بکەین.

ئەوەی پێویستە بیزانیت: بۆ دەستپێکردنی گفتوگۆکانی ئەمریکا و ڕووسیا لەسەر ڕاگەیاندنی ئاگربەست لە ئۆکراینا، ستیڤ ویتکۆف، نوێنەری تایبەتی دۆناڵد ترەمپ بۆ ڕۆژهەڵاتی ناوەڕاست گەیشتە مۆسکۆی پایتەختی ڕووسیا و بڕیارە لەگەڵ بەرپرسانی باڵای ئەو وڵاتە کۆببێتەوە.