لە ڕانیە کڕین و فرۆشتن بە یارییە ئاگرینەکان قەدەغە دەکرێت

ئاڤا نیوز

قایمقامیەتی ڕانیە کڕین و فرۆشتن بە یارییە ئاگرینەکان قەدەغە دەکات و هەر کەسێک پابەند نەبێت سزا دەدرێت. 

 

وێنە گەورەکە: ساڵانە لەگەڵ نزیکبوونەوەی بۆنە و ئاهەنگە ئاینی و جەژنەکان، ڕێژەیەکی زۆر یاری ئاگرین دێتە بازارەکانەوە و کڕین و فرۆشتنی پێوەدەکرێت، زۆرجاریش ئەو یارییە ئاگرینانە ڕووداوی نەخوازراوی لێدەکەوێتەوە. 

 

ڕاگەیێنراوی فەرمی: قایمقامیەتی قەزای ڕانیە ڕاگەیاند، لەپێناو پاراستن و دووربوون منداڵان لە مەترسی  بەکارهێنانی یارییە ئاگرینەکان و ڕەخساندنی کەشێکی ئارام لە ڕۆژانی جەژندا، ئەو کەسانەی مامەڵە بە یارییە ئاگرینەکانەوە دەکەن ڕێکاری یاساییان بەرامبەر دەگیرێتەبەر. 

-    ئەو کەسانەی یاریی ئاگرین بفرۆشن، شوێنکارەکەیان دادەخرێت و سزای دارایی دەدرێن. 
-    ئەو کەسانەی شوێنکاریان نییە ڕاستەوخۆ دەدرێنە دادگا.