ئەمریکا بۆ کۆنترۆڵکردنەوەی پەنەما بژاردەی سەربازی تاوتوێ دەکات

ئاڤا نیوز

دۆناڵد ترەمپ، سەرۆکی ئەمریکا، لەسەر کۆنترۆڵکردنەوەی نۆکەندی پەنەما سوورە و بۆ ئەمەش وەزارەتی بەرگریی  (پێنتاگۆن) سەرقاڵی تاوتوێکردنی بژاردەی سەربازین.

ئەوەی پێویستە بیزانیت: ترەمپ پێشتریش چەندینجار ڕایگەیاندووە کە دەیەوێت ئەو نۆکەندە کۆنترۆڵ بکاتەوە و بیخاتەوە ژێر دەستەڵاتی ئەمریکا، بەڵام ئاماژەی بەوە نەداوە کە بە چ ڕێگایەک دەیەوێت کۆنترۆڵی بکات.

ئەمەش بزانە: ترەمپ پێی وایە چین نۆکەندەکەی کۆنترۆڵ کردووە و ئەمە دەکرێت زیان بە بەرژەوەندییەکانی ئەمریکا بگەیێنێت.

زانیاریی زیاتر: نۆکەندی پەنەما لە نێوان هەردوو قاڕەی ئەمریکای باکوور و باشووردایە و بە یەکێک لە گرنگترین ڕێگا ئاوییە ستراتیژییەکان دادەنرێت.