دەرفەتی خوێندنی ماستەر و دكتۆرا لە كۆریای باشوور ڕادەگەیەنرێت

 

ئاڤا نیوز

وەزارەتی خوێندنی باڵا و توێژینەوەی زانستیی هەرێمی كوردستان ژمارەیەك زەمالەی خوێندنی ماستەر و دكتۆرا لە وڵاتی كۆریای باشوور بڵاودەكاتەوە، تەنیا فەرمانبەران و مامۆستایانی دامودەزگاكانی حكومەتی هەرێمی كوردستان دەتوانن داواكاری پێشكەش بكەن.

چیرۆکی سەرەکی: لەچوارچێوەى یاداشتی لێکتێگەیشتنی نێوان حکومەتی هەرێمی کوردستان و کۆمپانیای نەوتی نیشتمانی کۆریا (KONC) و کۆمپانیای پەرەپێدانی کۆریای باشور (KDI)، سەرۆکایەتی ئەنجومەنی وەزیران چەند دەرفەتێکی خوێندن لە وڵاتی کۆریای باشور بۆ هەردوو بەرنامەی ماستەر و دكتۆرا، ڕادەگەیەنێت.

پسپۆڕییەكان چین: خوازیارانی ماستەر لە بوارەكانی، سیاسی، سیاسەتى پەرپێدان و بەرێوەبردنى گشتى، خاوەندارێتی هزری، زانستی داتا بۆ سیاسەتی گشتی و بەرێوەبردن ، سیاسەتی گشتی و بەرێوەبردن، لەخۆدەگرێت. بۆ خوێندنی دکتۆراش، بوارەكانی سیاسەتی گشتی، سیاسەتی پەرەپێدان دەگرێتەوە.

مەرجەكان چین: پێشكەشكار مەرجە فەرمانبەر یاخود مامۆستا بێت لە یەكێك لە دامودەزگاكانی حكومەتی هەرێمی كوردستان و لانیكەم دوو ساڵ خزمەتی فیعلی هەبێت، ئەو بوارەی لێی دەخوێنێت هەمان بواری بڕوانامەی بەكالۆریۆسی بێت، بۆ ماستەر كۆنمرەی بەكالۆریۆسی 65% كەمتر نەبێت، بۆ خوێندنی دكتۆراش 70% كەمتر نەبێت، ئاستی توانستی زمانی ئینگلیزیش لە بەرنامەیەكەوە بۆ بەرنامەیەكی دیكە جیاوازە.

ئەوەی پێویستە بیزانیت: دوا وادە بۆ پێشكەشكردنی زانیاریی 2025-03-19، دیاریكراوە، کاندیدی سەرکەوتوو، لەلایەن وەزارەتی خوێندنی باڵا تەنها مۆڵەتی خوێندنی پێدەدرێت واتا بە مووچەی بنەڕەتی و دەرماڵە جێگیرەکان، هاوكات وڵاتی كۆریای باشوور پشتگیریی دارایی دەكات.

بۆ وردەکاری زیاتر  سەردانی ماڵپەری زەمالەکە بکەن.

https://kdischool.ac.kr/menu.es?mid=a40202000000