هاکان فیدان: پێویستە مافی کورد لە سووریا دەستەبەر بکرێت

ئاڤا نیوز

 

هاکان فیدان، وەزیری دەرەوەی تورکیا سەبارەت بە ڕێککەوتنەکەی مەزڵووم عەبدی و ئەحمەد شەرع لە سووریا دەڵێت: ئیدارەی نوێی سووریا پێویستە مافی کورد لە سووریا دەستەبەر بکات، ئەمە هەم  تورکیا، هەم بۆ سەرۆککۆماری تورکیاش زۆر گرنگە.

وێنە گەورەکە: لە دوای ڕووخانی کەوتنی دەسەڵاتی ئەسەد، یەکخستنەوەی هێزە چەکدارەکانی سووریا ئامانجی سەرەکی ئیدارەکەی ئەحمەد شەرع، سەرۆککۆماری سووریا بۆ قۆناغی ڕاگوزەر بوو، تا لە کۆتاییدا لە 2025-03-10، ڕێککەوتنێکی هەشت خاڵی لە نێوان مەزڵووم عەبدی و شەرع واژۆکرا کە هێزەکانی هەسەدە دەخاتە نێو هێزی بەرگری سووریا.
  
لێدوانی فەرمی: فیدان لە چاوپێکەوتنێکی لەگەڵ کەناڵی تیڤی 100ی تورکی گوتی: ئەم ڕێککەوتنە دەرفەتێکی مێژووییە،" پێویستە ئیدارەی نوێی سووریا مافی کورد دەستبەر بکات، ئەمە هەم بۆ تورکیا هەم بۆ سەرۆککۆماری تورکیا زۆر گرنگە".

لەلایەکی دیکەوە: فیدان جەختی لەوە کردەوە کە پێویستە سەردەمی زوڵم و مافخواردن لە سووریا بەسەربچێت.