جێگری سەرۆکی ئەمریکا: ‌هێزی سەربازی بۆ سووریا نانێرین

ئاڤا نیوز

 

جەی دی ڤانس، جێگری سەرۆکی ئەمریکا ڕەخنەی تووند لە حکومەتی نوێی سوریا دەگرێت و ناردنی هێزی سەربازی بۆ ئەو وڵاتە ڕەتدەکاتەوە.

وێنە گەورەکە: لە چاوپێکەوتنێکدا لەگەڵ کەناڵی فۆکس نیوز، جەی دی ڤانس، جێگری سەرۆکی ئەمریکا ڕەخنەی تووند لە حکومەتی نوێی سوریا دەگرێت لەسەر پاراستنی کەمینەکان لە سووریا و ناردنی هێزی سەربازی ئەمریکا بۆ سووریا ڕەتدەکاتەوە.

لێدوانی فەرمی: جەی دی ڤانس، جێگری سەرۆکی ئەمریکا لە بەشێکی چاوپێکەوتنەکەدا ڕایگەیاند، ئەمریکا پلانی ناردنی هێزی زیاتر و بڵاوەپێکردنی سەربازانی ئەمریکای لە سووریادا نییە، بەڵام هەرکات پێویست کات هەموو ڕێگەیەک دەگرێتە بەر بۆ پاراستنی کەمینەکانی سووریا.

زانیاریی زیاتر: جەی دی ڤانس لە بەشێکی دیکەی چاوپێکەوتنەکەدا سەبارەت بە پاراستنی کەمیینەکان ڕەخنەی تووندی لە حکومەتی نوێی سووریا گرت و ڕایگەیاند، کەمینەکانی سووریا ڕووبەڕووی تووندووتیژی گەورە دەبنەوە پاش ڕووخانی رژێمی بەشار ئەسەد، ئەمریکا دوور لە چاوی ڕاگەیاندنەکان هەموو هەوڵێکی دیبلۆماسی لەگەڵ هاوپەیمانەکانی لە ڕۆژهەڵاتی ناوڕاست دەدات بۆ هاندانی حکومەتی سووریا لە پاراستنی مەسیحیەکان و کەمیینەکانی دیکەی سووریا.