ئەڵمانیا قەیسی تورکیا ڕەتدەکاتەوە و دەڵێت ژەهراوەییە

ئاڤا نیوز

 

تورکیا دوای ئەوەی جۆرە قەیسییەک هەناردەی ئەڵمانیا دەکات و دوای پشکنینی لەلایەن کوالێتی کۆنترۆڵی ئەو وڵاتەوە دەرکەوتووە ماددەی ئەفلاتۆکسینی ژەهراویان تێدایە بووە کە دەبێتە هۆی تووشبوون بە نەخۆشی شێرپەنجە، هەر بۆیە ڕەوانەی تورکیای کردووەتەوە.

 

چیرۆکی سەرەکی: تورکیا چەند جۆر بەرهەمی خواردن و میوە ڕەوانەی وڵاتانی ئەوروپا دەکات و خواستی بازاڕی ئەو وڵاتەن پڕدەکاتەوە، بەڵام بەم دواییانە چەندین جۆر بەرهەم لەلایەن وڵاتانی ئەوروپاوە ڕەتکراوەتەوە بەبیانووی ئەوەی شیاوی بەکارهێنانن و خواردن نین. 

 

بڵاوکراوەی فەرمی: لە دواین ڕاپۆرتی سیستمی ئاگادارکردنەوەی خێرای کۆمیسیۆنی یەکێتی ئەوروپا بۆ خۆراکدا هاتووە ، ئەو جۆرە قەیسییەی تورکیا بۆ ئەڵمانیای ناردووە، بڕێکی زۆر ماددەی ئەفلاتۆکسین و ئۆکراتۆکسینی تێدایە، کە مەترسییەکی گەورە بۆ سەر تەندروستیی مرۆڤ دروست دەکات، هەر بەو هۆیەوە ڕەتکراوەتەوە و نێردراوەتەوە بۆ تورکیا.

 

زیانە تەندروستییەکان: ئەفلاتۆکسین، ماددەیەکی ژەهراوی و شێرپەنجەییە کە لە ژینگە گەرم و شێدارەکاندا گەشە دەکات و لە ڕێگەی خۆراکەوە زۆر دەبێت لە جەستەی مرۆڤدا، ئەم ماددەیە بە چەندین شێوە خۆراک پیس دەکات لەگەڵ خواردنی بەردەوامی مەترسی تووشبوون بە شێرپەنجە زیاد دەکات.