گۆڕانکاری لە کاتی دابەشکردنی مووچەی خانەنشینانی یەکەی 70 دەکرێت

ئاڤا نیوز

هەرچەندە لە خشتەی دابەشکردنی مووچەی مانگی دوو وەزارەتی دارایی و ئابووری ڕۆژی سێشەممەی دیاریکردووە بۆ ئەوەی خانەنشینانی یەکەی 70 مووچەکانیان وەربگرن، بەڵام لە بانکێک دابەشکردنی مووچەکە بەشەش ڕۆژ دابەش دەکرێت.

وێنە گەورەکە: ماوەی چەند مانگێکە قۆناغ بە قۆناغ دۆسیەی خانەنشینانی یەکەی 70 دەگوازرێتەوە سەر  بەڕێوەبەرایەتیی گشتیی ژمێرکاری و بەڕێوەبەرایەتیی گشتیی خانەنشینی وەزارەتی دارایی و ئابووری هەرێمی کوردستان، هەر خانەنشینێک دۆسیەکەی گواسترابێتەوە کۆدێکی پێدەدرێت و دەتوانێت مووچەکەی وەرگرێت.

زانیاریی بەدەستهاتوو: بانکی کێوەڕەش لە زنجیرەی یەک تاوەکو 40 هەزاری بڵاوکردووەتەوە کە لە ماوەی شەش ڕۆژ دەتوانن سەردانی بانکەکە بکەن و مووچەکانیان وەربگرن.

ئەوەی پێویستە بیزانیت: ژمارەی خانەنشینی یەکەی 70، 10 هەزار کەسن و تێچووی مووچەی مانگانەیان نزیکەی چوار ملیار دینارە.