سەرۆک بارزانی: ئازاری كیمیابارانی هەڵەبجە لە دڵی هەموو كوردستانییەكدا دەمێنێتەوە

ئاڤا نیوز

 

سەرۆک بارزانی لە یادی 37 ساڵەی کیمیابارانکردنی هەڵەبجە پەیامێکی بڵاوکردەوە و دەڵێت، زام و ئازاری تاوانی كیمیابارانكردنی هەڵەبجە بۆ هەتایە لە ناخ و دڵی هەموو كوردستانییەكدا دەمێنێتەوە.

 

چیرۆکی سەرەکی: ڕۆژی یەکشەممە 16ـی ئاداری 2025، سەرۆک مەسعود بارزانی لە سی و حەوتەمین ساڵیادی کیمیابارانکردنی هەڵەبجە پەیامێکی لە تۆڕی کۆمەڵایەتی ئێکس بڵاوکردەوە.

 

پەیامی فەرمی: دەقی پەیامی سەرۆک مەسعود بارزانی لە یادی هەڵەبجە:

-زام و ئازاری تاوانی كیمیابارانكردنی هەڵەبجە بۆ هەتایە لە ناخ و دڵی هەموو كوردستانییەكدا دەمێنێتەوە و لەیاد ناکرێت.

-بەرپرسیارێتیی ئەو تاوانە دژ بە مرۆڤایەتییە و ئەنجام و ئاسەوارەكانی، تا  قەرەبووكردنەی کەسوکاری قوربانیان، لەسەر شانی دەوڵەتی عێراقە.

-لە سی و حەوتەمین ساڵیادی کارەساتی بۆمببارانکردنی هەڵەبجە بە چەکی کیمیایی، سڵاو بۆ گیانی پاكی شەهیدانی هەڵەبجە و خانەوادە و كەسوكاری شەهید و بریندارانی ئەو تاوانە دەنێرین.