شێخ دارا: ڕۆژانی نەورۆز باران دەبارێت

ئاڤا نیوز

 

شێخ دارا، پێشکەشکاری کەشوهەوای ئاڤا ڕەوشی کەشوهەوای ناوچەکانی هەرێمی کوردستان لە ڕۆژانی نەورۆزدا دەخاتەڕوو و ڕادەگەیینێت، بەفر و باران ڕوو لە ناوچەکان دەکات.

 

لێدوانی فەرمی: شێخ دارا، پێشکەشکاری کەشوهەوای ئاڤا ڕایگەیاند: ڕۆژی سێشەممە کاریگەری شەپۆلێکی دەریای سپی ناوەڕاست ڕوو دەکاتە ناوچەکانمان، بۆیە ئەگەر هەیە لە ڕۆژی چوارشەممە 19 تاوەکو 25-3 بارانبارین ڕوو بکاتە ناوچەکانی هەرێمی کوردستان، هاوکات بەفر لە ناوچە شاخاوییەکان بەگشتی و دەورووبەری دهۆک بە تایبەتی دەبارێت.

 

ئەوەی پێشبینی دەکرێت: شێخ دارا دەشڵێت:

 

-لە زۆر شوێن باران بە بڕی 30 تا 60 ملیمەتر دەبارێت.

-شەپۆڵەکە هێندە بەهێزە کە ناوچە شاخاوییەکانمان بێ بەفر نابن.

-بەرزترین پلەکانی گەرما بۆ ئەمڕۆ شەممە لە 19 پلە بۆ 26 پلە تۆمار دەکرێن.

-نزمترین پلەکانی لە 12 بۆ 15 تۆمار دەکەین.

-ڕادەی شێ 25% بۆ 30% دەبێت، جوڵە و ئاراستەی با 11 بۆ 14 کیلۆمەتر دەبێت لە کاتژمێرێکدا.