گەنجێکی بە ڕەچەڵەک عەرەب بارهەڵگرێک دەدزێت و پۆلیسی چەمچەماڵ دەستگیری دەکات

ئاڤا نیوز

 

بەتۆمەتی دزینی بارهەڵگرێکی جۆری تەنکەر، پۆلیسی چەمچەماڵ تۆمەتبارێک دەستگیر دەکات.

 

ڕاگەیێنراوی فەرمی: بەڕێوەبەرایەتیی پۆلیسی پارێزگای سلێمانی ڕایگەیاند، دوای ئەوەی هاووڵاتییەك سكاڵای تۆمار كرد كە ئۆتۆمبێلێكی بارهەڵگری لە جۆری تانكەر لێ دزراوە، هێزەكانی پۆلیس بەدواداچوونەكانییان لەو بارەوە دەست پێ كرد، دوای وەرگرتنی بڕیاری دادوەر، توانرا تۆمەتبارەکە لەلایەن مەفرەزەكانی نووسینگەی نەهێشتنی تاوانی چەمچەماڵەوە بدۆزرێتەوە و دەستگیر بكرێت.

 

زانیاریی زیاتر: دوای دەستگرکردنی تۆمەتبارەکە دەست بەسەر تانكەرە دزراوەكەدا گیرا، هاوکات تۆمەتبار (س ، ج ، ع)  کە لەدایكبووی 1997 و بە ڕەچەڵەک عەرەبە، بەپێی ماددەی 443 لە یاسای سزادانی عێراقی ڕاگیراوە.