مەسرور بارزانی و بافڵ تاڵەبانی لەبارەی پێکهێنانی حکومەت لە کۆبوونەوەدان

ئاڤا نیوز

 

سەرۆکوەزیران مەسرور بارزانی و بافڵ تاڵەبانی، سەرۆکی یەکێتیی نیشتمانیی کوردستان لەبارەی پێکهێنانی کابینەی نوێی حکومەت و دابەشکردنی پۆستەکان لە پیرمام لە کۆبوونەوەدان.

 

وێنە گەورەکە: کارەکانی پێکهێنانی حکومەت زۆر باش چوونەتە پێشەوە، بەپێی زانیارییەکان لیژنە تەکنیکییەکان زۆربەی کارەکانیان تەواو کردوون، هاوکات پارتی و یەکێتی لە واژۆکردنی ڕێککەوتنێک هاوشێوەی ڕێکەوتننامەی ستراتیژی نزیک بوونەتەوە و نزیکەی ٪90 کارەکان تەواو بوون.

 

زانیاریی تایبەت: لە کۆبوونەوەکەی نێوان سەرۆکوەزیران مەسرور بارزانی و بافڵ تاڵەبانی باسی پێکهێنانی حکومەت، دابەشکردنی پۆستەکانی کابینەی نوێ و گۆڕانکارییەکانی ناوچەکە دەکرێت.

 

ئەوەی پێویستە بیزانیت: یەکێتی و پارتی لەسەر %90 پرسەکان ڕێککەوتوون و تەنیا %10 ماوە. ئەمڕۆ بڕیار لەسەر ئەو بابەتانە دەدرێت کە شاندی دانوستاندنکاری هەردوولا نەیانتوانیوە یەکلاییان بکەنەوە.

 

بۆچی گرنگە:  چاوەڕوان دەکرێت ئەم کۆبوونەوەیە هۆکارێکی کاریگەر بێت بۆ خێرا پێکهێنانی حکومەت. پێکهێنانی حکومەت کاریگەرییەکی زۆری لەسەر دەروونی خەڵک و زۆربەی بوارەکان دەبێت بەتایبەت بووژانەوەی بازاڕ. هاوکات حکومەتێکی بەهێز و یەکدەنگی کورد دەبێتە هۆی زامنکردنی مافەکانی خەڵکی کوردستان لە بەغدا بەتایبەت مووچە و شایستە داراییەکان.