پێنج كۆڵبەری كورد بە تەقەی ڕاستەوخۆی سوپای ئێران بریندار دەبن

ئاڤا نیوز

پێنج كۆڵبەری كوردی خەڵكی ڕۆژهەڵاتی كوردستان، بە تەقەی ڕاستەوخۆی هێزە سەربازییەكانی ئێران لە سنووری هەنگەژاڵی بانە بەسەختی برینداركران.

ڕاگەیێنراوی فەرمی: بەپێی ڕاپۆرتێكی ڕێكخراوی مافی مرۆڤی هەنگاو، ڕۆژی چوارشەممە شەشی ئاداری 2024 ئیحسان عەبدوڵڵازادە تەمەن 19 ساڵ، زانیاری تەمەن 25 ساڵ و كەریم كە تەمەنی ئاشكرا نەبووە و خەڵكی بانەیە بە تەقەی ڕاستەوخۆی هێزە سەربازییەكانی ئێران لە سنووری هەنگەژاڵی بانە بە سەختی برینداركراون.

زانیاریی بەدەستهاتوو: بەوتەی سەرچاوەكانی هەنگاو، هێزە حكومەتییەكان لەگەڵ هەڕەشەی كوشتن لەو هاووڵاتییانە، ناچاریان كردوون كە پەیوەندی بە ئۆتۆمبێلی فریاكەوتنەوە بكەن و  دواتر داوایان لێیان كردوون كە لەو شوێنە هەڵبێن، ئینجا لە مەودای دوو مەترییەوە و لە پشتەوە تەقەیان لێكردوون.

زانیاریی زیاتر: بەوتەی ئەو سەرچاوانە، ئیحسان عەبدوڵڵازادە هەر دوو قاچی لە پشتەوە و زانیار قاچی چەپی بەسەختی برینداركراوە، بارودۆخی تەندروستیی زانیاریش ناجێگیرە، هەر لەو ڕۆژەدا، حەیدەر و ئیدریس دوو كۆڵبەری خەڵكی سەقز بە تەقەی ڕاستەوخۆی هێزە سەربازییەكانی ئێران لە سنووری هەنگەژاڵی بانە بەسەختی برینداركراون.