ناوەڕۆکی کۆبوونەوەی مەسرور بارزانی و بافڵ تاڵەبانی

ئاڤا نیوز
 
ناوەڕۆکی کۆبوونەوەی نێوان سەرۆکوەزیران مەسرور بارزانی و بافڵ تاڵەبانی سەرۆکی یەکێتیی نیشتمانیی کوردستان، لەبارەی پێکهێنانی حکومەت و دابەشکردنی پۆستەکان. 

چیرۆکی سەرەکی: ئەمڕۆ یەکشەممە، سەرۆکوەزیران مەسرور بارزانی لە هەولێر پێشوازی لە بافڵ جەلال تاڵەبانی، سەرۆکی یەکێتی نیشتمانی کوردستان کرد بەمەبەستی گفتوگۆکردن لەسەر پێکهێنانی حکومەت و دابەشکردنی پۆستەکان. 

ڕاگەیێنراویی فەرمی: لە کۆبوونەوەی نێوان مەسرور  بارزانی و بافڵ تاڵەبانی جەخت لە لە گرنگیی پێکهێنانی کابینەی نوێی لە زووترین کاتدا کرایەوە و هەردوولا هاوڕابوون لەسەر پێکهێنانی حکومەتێکی بەهێز و یەکگرتوو. 

- هەر لەکۆبوونەوەکەدا گفتوگۆ لەبارەی هەنگاو و ڕێککارەکانی پێکهێنانی کابینەی دەیەمی حکومەتی هەرێمی کوردستان کرا. 

- هەردوولا کۆبوونەوەکانیان بە ئەرێنی هەڵسەنگاند و هاوڕابوون لەسەر گرنگیی پێکهێنانی حکومەتێکی بەهێز و یەکگرتوو و خزمەتگوزار لە زووترین کاتدا. 

- کۆبوونەوەی نێوان هەردوولا زۆر باش بووە و لە کەشێکی ئەرێنیدا بەڕێوەچووە. 

لێدوانە فەرمییەکان: سەرۆکی حکومەتی هەرێمی کوردستان لە لێدوانێکی ڕۆژنامەوانیدا، ئەمە دووەمجارە کۆبوونەوەیەکی باش و ئەرێنیمان بۆ لەیەک نزیکبوونەوە و تاوتوێکردنی بابەتە گرنگەکان بۆ خەڵکی کوردستان و ناوچەکە بەشێوەیەکی گشتیی کردووە، پێشکەوتن و لەیەکتێگەیشتنی زۆرباش لەسەر ئەو بابەتانە هەبووە و ئومێدەوارم، تیمەکانیش بتوانن بەو ڕوحیەتە بگەنە ڕێککەوتنێکی تەواو لەسەر پێکهێنانی حکومەت لە نزیکترین کاتدا. 

- بافڵ تاڵەبانی، سەرۆکی یەکێتیش لەوبارەیەوە ڕایگەیاند، کۆبوونەوەمان زۆر باش بوو و لەسەر چەند بابەتێکی ستراتیژی کە بۆ میللەتەکەمان باش بێت ڕێککەوتووین، کۆبوونەوەکانیشمان بەردەوام دەبێت و ئامانجی هەردوولامان ئەوەیە لە زووترین کاتدا، حکومەتێک دروست بکەین بۆ خزمەتی میللەتەکەمان.