عەبادی بۆ ساڵیادی هەڵەبجە: دەبێت بۆ هەمیشە کۆتایی بە ستەمکاری بهێنین

 

ئاڤا نیوز

سەرۆکوەزیرانی پێشووتری عێراق، کیمیارابانی هەڵەبجە و تاوانی ئەنفال بە دەرئەنجامی سیاسەتی ستەمکارییەکی ڕەهای حیزبی بەعس ناو دەبات، دەڵێت، دەبێت دەسەڵاتی ئێستای عێراق لە هێنانەکایەی دادپەروەریی و کۆتاییهێنان بە ستەمکاریی سەرکەوتووبێت.

چیرۆکی سەرەکی: ئەمڕۆ 37ـەمین ساڵیادی کیمیابارانکردنی شاری هەڵەبجە لەلایەن ڕژێمی بەعسی لەناوچووی عێراق تێپەڕدەبێت، بەوهۆیەش زیاتر لە پێنج ھەزار ھاووڵاتیی مەدەنی شەھید و زیاتر لە 10 هەزار ھاووڵاتیی دیکەیش برینداربوون، تەواوی خەڵكی شارەکەش ئاوارەبوون.

ڕاگەیێنراوی فەرمی: حەیدەر عەبادی، سەرۆکوەزیرانی پێشووتری عێراق لە پەیامێکدا ڕایگەیاند:

٠ مێژووی حکومڕانی بەعس پڕە لە پێشێلکاریی، جەنگ، سەرکێشی و کۆمەڵکوژی بەرامبەر گەل.

گۆڕە بە کۆمەڵەکان، کیمیارابانی هەڵەبجە و ئەنفال، کوشتنی زانایان و سەرکردەکان دیارترین ئاماژەی ستەمکاری ڕەها و بڵاوکردنەوەی ترسێکی هەمەلایەن و شەڕی بەردەوامی حیزبی بەعس بوون.

٠ یادی شەهیدان دەکەینەوە و هەمیشە بێتاوانەکان و ستەمکارەکانیش لە یادماندا دەمێننەوە.

هیوادارم سەرکەوتوو بین لە بوونیادنانی دەوڵەتێکی دادپەروەر کە بۆ هەمیشە کۆتایی بە مێژووی ستەمکاری، جیاکاری و بێبەشکردن بهێنێت.