کۆبانێ.. لە بۆردوومانێکی تورکیادا نۆ ئەندامی یەک خێزان گیانیان لەدەستدا

ئاڤا نیوز

 

درەنگانێکی شەوی ڕابردوو فڕۆکەی بێ فڕۆکەوانی تورکیا سنووری گوندێکی لە باشووری کۆبانێ بۆردوومان کرد، لە ئەنجامیشدا نۆ ئەندامی یەک خێزان گیانیان لەدەستدا و دوو ئەندامی دیکەشیان بریندار بوون.

ئەوەی پێویستە بیزانیت: بەگوێرەی میدیای ڕۆژئاوای کوردستان درۆنەکە باخێکی لە گوندی کەرک لە باشووری کۆبانێ کردووەتە ئامانج کە خێزانێکی تێدا بووە، باوکی ئەو خێزانە وەک پاسەوان کاری تێدا کردووە.

ڕاگەیێنراوی فەرمی: ڕوانگەی سووری بۆ مافەکانی مرۆڤ بڵاوی کردەوە، هێرشەکەی تورکیا پێشهاتێکی مەترسیدارە  و بەهۆیەوە نۆ قوربانی لێکەوتووەتەوە.

ئەوانەی لە بۆردوومانەکەدا گیانیان لەدەستداوە:

غەزالە ئۆسمان (دایک)
عوسمان برکڵ عەبدۆ (باوک)
ئاهین عوسمان 
دجلە عوسمان 
دلۆڤان عوسمان 
یاسر عوسمان 
عەزیزە عوسمان 
ساڵە عوسمان 
ئاڤێستا عوسمان 

ئەوانەی برینداربوون:

ڕۆنیدا عوسمان (18 ساڵ)
نارین عوسمان (نۆ ساڵ)