وەزارەتی بەرگری تورکیا بۆ ئاڤا: ئاگاداری ڕووداوی کەوتنە خوارەوەی درۆن لە سلێمانی نین

ئاڤا نیوز

 

دوای ئەوەی ڕۆژی ڕابردوو لە سنووری ناحیەی بنگرد لە قەزای دووکان، درۆنێک کە لۆگۆی ئاکینجی لەسەربوو کەوتەخوارەوە و هیچ زیانێکی گیانی نەبوو و وەزارەتی بەرگری تورکیاش لەوباریەوە ڕوونکردنەوە دەدات. 

 

وێنە گەورەکە: ڕۆژی یەکشەممە درۆنێکی تورکی لە جۆری ئاکنجی لە سنووری ناحیەی بنگرد لە قەزای دووکان کەوتەخوارەوە، کە یەکێکە لە درۆنە تایبەتەکانی تورکیا کە بۆ مەبەستی چاودێرکردن بەکاردەهێنرێت بەڵام وەزارەتی بەرگری ئەو وڵاتە بێ ئاگای خۆی لەبارەیەوە ڕادەگەیەنێت.  

 

ڕاگەیێنراوی فەرمی: وەزارەتی بەرگری تورکیا لە وەڵامی پرسیارێکی ئاڤادا لەوبارەیەوە ڕایگەیاند، ئاگاداری ڕووداوی کەوتنەخوارەوەی درۆنە تورکییەکەی سلێمانی نین، ئەو بابەتەمان لە ئێوەوە بیستووە کە بابەتێکی وا ڕوویداوە، ئێمە ئەو هەواڵە پشتڕاست ناکەینەوە و ڕوونکردنەوەمان لەسەری نییە.

 

لێدوانی فەرمی: بەڕێوەبەری ناحیەی بنگرد، لەبارەی ڕووداوەکەوە ڕایگەیاند، درۆنەکە کەوتووەتە سەربانی ماڵێک لە گوندەکە و تەلی کارەبای ناوچەی پچراندووە و بەهۆیەوە ناوچەکە بێ کارەبا بووە.