سەرۆك بارزانی و باڵیۆزی توركیا دۆخی سیاسی و دوایین پێشهاتەكانیان تاووتوێ كرد

ئاڤا نیوز

سەرۆك بارزانی و باڵیۆزی توركیا لە عێراق كۆبوونەوە و بارودۆخی سیاسیی و دوایین پێشهاتەكانی هەرێمی كوردستان و عێراق و ناوچەكەیان تاووتوێ كرد.

وێنە گەورەكە: ڕۆژی دووشەممە 17-3-2025، لە سەڵاحەددین، سەرۆك بارزانی پێشوازیی لە ئانل بورا ئینان، باڵیۆزی توركیا لە عێراق كرد.

ڕاگەیێنراوی فەرمی: بەپێی ڕاگەیێنراوێكی بارەگای بارزانی، لە دیدارەكەدا كە ئێرمان تۆپچوو، كونسوڵی گشتیی توركیا لە هەولێر ئامادەی بوو، بیروڕا لەبارەی بارودۆخی سیاسیی و دوایین پێشهاتەكانی عێراق و ناوچەكە ئاڵوگۆڕ كرا و ڕۆشنایی خرایە سەر پەیوەندییەكانی نێوان هەرێمی كوردستان و توركیا، هەروەها سەردانی وەزیری وزەی توركیا بۆ هەرێمی كوردستان.

زانیاریی زیاتر: هەنگاوەكانی پێكهێنانی كابینەی دەیەمی حكوومەتی هەرێمی كوردستان و دیالۆگی نێوان لایەنە سیاسیەكانی هەرێمی کوردستان و هەڵبژاردنەكانی داهاتووی ئەنجوومەنی نوێنەرانی عێراق تەوەری  دیكەی ئەو دیدارە بوو.