قوباد تاڵەبانی و لاهوور شێخ جەنگی لە ململانێی سیاسییەوە بۆ وەرزشی

ئاڤا نیوز

قوباد تاڵەبانی و لاهوور شێخ جەنگی پێ دەنێنە نێو ململانێیەکی نوێ و ئەمجارە لەبری سیاسەت، دەست لە کاروباری وەرزشی وەردەدەن و یانەی نەورۆز و یانەی سلێمانیش دەکەن چەقی ململانێکەیان.

چیرۆکی سەرەکی: لاهور شێخ جەنگی خاوەنی یانەی وەرزشی نەورۆزە، یاریگاکەشی بووەتە جێی باس و خواسی وەرزشوانان و میدیاکان و سۆزی گەنجێکی زۆری بۆ لای خۆی ڕاکێشاوە، یاریگاکە بەردەوام لەکاتی بەڕێوەچوونی یارییەکان جمەی دێ لە خەڵک، لەبەرئەوەی چوونە ژوورەوەهاندەران بەخۆڕاییە. هاوکات یاریگاکە بووە بە جێگەی شانازی سلێمانییەکان و دەڵێن، سلێمانی یانی نەورۆز، نەورۆزیش یانی سلێمانی.

لێدوانی فەرمی: قوباد تاڵەبانی دەڵێت، مێژووی وەرزش لە سلێمانیدا گرێدراوە بە یانەی وەرزشی سلێمانییەوە، یانەی سلێمانی یانەی دایکە و دەبێت لەم قۆناغەدا شوێن و پێگەی شیاوی خۆی بۆ بگەڕێتەوە.

ئەوەی پێویستە بیزانیت: قوباد تاڵەبانی، هاوشێوەی لاهور شێخ جەنگی بووە سەرۆکی یانەی سلێمانی و بە شانازییەوە دەڵێت، "لەماوەیەکی کورتدا پلانێکی تۆکمە بۆ پێنج ساڵی داهاتووی یانەکە ئامادە دەکەین  تا بە هەوڵ و هیمەتی هەموو لایەکمانەوە یانەی سلێمانی بگەیەنینەوە ئەو ئاستەی کە شایستەی ناوبانگ و مێژووە پڕشنگدارەکەیەتی".